13 feb 2014

A recente Comisión creada para a xestión das comportas do Saco de Fefiñans incumpre as recomendacións feitas pola Conselleira de Medio Ambiente

Dende Anova Cambados queremos reiterar como o PP segue a realizar continuas irregularidades nas obras das Comportas do Saco de Fefiñans, así coma na súa xestión, non tendo en conta as recomendacións feitas polos distintos organismos nin os técnicos que realizaron o estudio medioambiental da obra, neste caso ponse de manifesto na recente comisión creada para a xestión das comportas, e nas que non se inclúen as recomendacións feitas na Resolución do 22 de Outubro de 2010, pola Secretaria Xeral de de Calidade e Avaliación Ambiental, dependente da Consellería de Medio Ambiente, Territorio e Infraestruturas.


No dia de hoxe pódese ver anunciado na prensa como foi constituída oficialmente a Comisión que regulara o uso da Comporta do Saco de Fefiñans, e que estará composta polo Presidente de Portos de Galicia, o Alcalde de Cambados, o Patrón Maior da Cofradía de Cambados, e a Presidenta da Agrupación de Mariscadoras a Pe de Cambados, pero o que mais nos chama a atención é como nesa comisión non se inclúen os tres organismos que na Resolución do 22 de Outubro de 2010, foron recomendados pola Secretaria Xeral de Calidade e Avaliación Ambiental, e que textualmente consideran que como mínimo deben participar nesa comisión, a Dirección Xeral de Ordenación e Xestión dos Recursos Mariños, Dirección Xeral Patrimonio Cultural e o Organismo estatal, “Dirección General de sostenibilidad de la Costa y el Mar”, neste caso hai que sinalar que este proxecto afecta directamente o Dominio Publico Marítimo Terrestre e a súa protección e utilización, alterando o réxime mareal e os usos comúns, establecidos no disposto na Lei 22/1988, de Costas e no regulamento para o seu desenvolvemento e aplicación, como así o sinalou este organismo na memoria que lle remitiu a Secretaria Xeral de Calidade e Avaliación Ambiental, polo que na Resolución recomendan explicitamente a súa inclusión dentro da Comisión que regule as Comportas, e que tanto o o ente Portos de Galicia como o Concello de Cambados fan caso omiso as recomendacións feitas na Resolución de Avaliación Ambiental.


Podemos comprobar que tamén se pon de manifesto a falta de sensibilidade coa xestión Medioambiental das Comportas, debido a que non se fixeran aos estudios previos que establece o Plan de Seguimento Ambiental dentro da Memoria das Obras, e no que deixa claro a necesidade de realizar o seguimento deste Plan xa que a permanencia da preamar na enseada durante un período maior ao réxime de mareas pode afectar a calidade das augas, e en consecuencia afectar aos bancos marisqueiros, e que polo tanto considera preciso seguir EXTRICTAMENTE este Plan dende Medio Ambiente para que a obra e a xestión das comportas non afecte o banco marisqueiro, e que se esta a incumprir, xa que na Resolución deixa claro que se deberan levar a cabo todos os estudos e mostraxes e simulacións previas que sexan precisas, e que a dia de hoxe non se fixeron  como establece a Memoria Medio Ambiental da Obra e a Resolución da Secretaria Xeral de Calidade e Avaliación Ambiental.

10 feb 2014

ANOVA DE CAMBADOS RECLAMA QUE A CONVOCATORIA PARA AS AXUDAS O ESTUDIO MUNICIPAIS SE FAGA ANTES DE QUE REMATE O CURSO ESCOLAR E SE TEÑA EN CONTA OS ALUMNOS QUE QUEDARON EXCLUIDOS POLA REFORMA DAS BECAS DO MEC.

Consideramos que é inxusto que os alumnos que non obteñan unha nota media superior o 6,5 non poidan obter a axuda de estudios xeral e que os alumnos que obteñan unha nota media entre o 5,5 e o 6,5 so se lles abone o custo da matricula, cando esta reforma foi aprobada no mes de Agosto, e no que a maioría de alumnos xa tiñan feitas as matriculas.

Dende o Grupo Local de ANOVA – Irmandade Nacionalista no Concello de Cambados queremos amosar publicamente o noso desacordo coa nova regulación das Becas modificadas no pasado mes de Agosto polo ministro WERT, no que un alumno que non obtivera unha media superior o 6,5 non poida optar a unha beca de estudios, e no caso de obter unha nota media o curso anterior entre 5,5 e 6,5 so teñan acceso a axuda dos custes da matricula, xa que estes cambios de criterios de adxudicación de axudas publicas o estudio, foron feitos cando moitos destes estudantes xa tiñan feita a matricula nos centros onde están a cursar os estudios.

Nos consideramos que na actual situación que estamos a vivir, con preto de 1.700 cambadeses en situación de desemprego, moitos deles sen recibir xa ningún tipo de ingreso fora das prestacións de tipo social, e no que moitos poden ter fillos estudando e afectados por este novo marco normativo, o Concello de Cambados debería ser quen de sacar unha ordenanza municipal para que, sempre previo informe do departamento de asuntos sociais municipais, actuara en cada caso concreto, e  axudar aqueles estudantes que estando no seno dunha unidade familiar con escasos recursos se atopen dentro desta situación. Dende o noso punto de vista, ningún veciño debería verse privado do dereito a realizar ou rematar uns estudos por un simple factor económico, e recordámoslle o Partido Popular que os factores académicos  xa os estipulan as propias normas educativas, marcando cales son as notas ou créditos precisos para conseguir un titulo medio ou superior.

Para o Grupo Local de Anova – I.N de Cambados, as circunstancias actuais indican que o Concello debería facer unha aposta forte tanto na partida de Becas de Estudos como nas de fins benefico-asistenciais. Non pode ser que  a pesares e chegar a un acordo no Pleno Municipal de Agosto do ano pasado coa oposición de modificar as bases das axudas municipais ao estudio, a dia de hoxe inda non se establecera a ordenanza municipal, e se espere o mes de Abril ou Maio, xa preto do remate do curso escolar para sacar este tipo de axudas. Isto ademais evidencia o xeito de funcionar actualmente a política municipal cambadesa, onde os acordos parecen ser sempre de cara a galería, sen que haxa un seguimento e unha intención posterior de facelos cumprir.

Este tipo de axudas, relativas os estudantes afectados polo decreto do señor Wert,  saíron adiante no Concello de Ribadumia grazas a unha  iniciativa do Concelleiro de Anova, Enrique Oubiña, e fixéronse publicas no mes de Setembro, a principio do curso académico, pero en Cambados en troques vemos que apesares das boas palabras do Partido Popular no pleno de Agosto, e de chegar a un acordo cos partidos da oposición de que se ían modificar a ordenanza municipal e ter en conta as actuais circunstancias, a dia de hoxe non se fixo nada do prometido.

Hai que salientar que dende Anova Cambados temos constancia de estudantes afectados por esta medida,  que si foran veciños de Ribadumia terían axuda do seu Concello, pero parece que en Cambados non interesa axudar os nosos mozos e mozas, xa que cada ano a pesares de ter a mesma partida orzamentaria, o gasto real en Axudas de estudio diminúe, ao contrario do que sucede coas axudas ao estudio dos fillos dos empregados municipais.


Os datos ademais revelan a mala gobernanza do Concello de Cambados:
¿Pode alguén entender que as becas de estudo se convoquen a finais do curso?
-  ¿Que se destine mais do dobre a axudas de estudio os fillos de empregados municipais que os veciños de Cambados?
- ¿Que a pesares de contar cunha partida orzamentaria de 7.000 € cada ano, dende que entrou a gobernar Luís Aragunde vemos como cada ano o gasto real desta partida cada ano e menor, chegando a gastar no exercicio 2012 menos da metade do crédito disposto na partida orzamentaria?
-  ¿Como pode ser que por exemplo o fillo dun empregado municipal que gañe 30.000 € si teña dereito a unha axuda ao estudio, e un fillo dun veciño de Cambados no desemprego non se lle conceda cando lle fai falla?
-  ¿Como pode ser que no Ano 2012 so se concederan 10 Axudas de Estudio para os veciños de Cambados?.

Alguén quizais, facendo gala dunha gran demagoxia, poderá respostar argumentando a falta de fondos, pero  dende ANOVA propoñemos que se faga entón, se ese fora o problema, un suplemento de crédito eliminando “horas extras” e outras prebendas nas retribucións dos membros da corporación local no Concello de Cambados.

Mais sensibilidade e menos hipocrisía, todos debemos mirar o noso arredor, os recursos públicos son de todos, saen do peto de todos e polo tanto non poden ser estragados sen control como se chovera do ceo, senón que teñen que administrarse a favor dos mais, e nestes tempos con mais sensibilidade e menos folclore. Convidamos ao alcalde a que baixe a rúa e comprobe que non todos os veciños teñen o seu salario. 


5 feb 2014

A Memoria Medioambiental do proxecto das obras das Comportas do Saco de Fefiñans alertan de que a permanencia da preamar na enseada durante un período maior ao réxime de mareas pode afectar a calidade das augas, e en consecuencia afectar aos bancos marisqueiros.

Tratase dun Informe previo a licitación das obras, e adxudicado pola entidade Portos de Galicia a mercantil AQUATICA INGENIERIA, e na elaboración do mesmo participaron: Javier Sopelana Peralta (Enxeñeiro de Camiños, Canles e Portos), Sira López (Licenciada en Ciencias do Mar), José Ignacio Bujan (Técnico superior en desenrolo  de proxectos urbanísticos e operacións topográficas),  Rosina Acuña Castroviejo (Bióloga) e Carlos Durán Neira (Biólogo) do CENTRO DE INVESTIGACIONES SUBMARINAS. Esta memoria medioambiental foi remitida a Consellería de Medio Ambiente, para a evaluación da necesidade de realizar un informe de Impacto Ambiental da obra, e tido en consideración na resolución do mesmo, chegando a indicar o obrigatorio cumprimento do Plan de Seguimento Ambiental que se inclúen nesta memoria, pero que non se están a levar a cabo, xa que non se informa nin no pleno do Concello de Cambados, nin as propias mariscadoras nin da realización nin do resultado do mesmo, xa que inda non foi adxudicada a xestión das Comportas, que seria a empresa encargada de realizar este Plan de Seguimento Medioambiental, e nos que se requiren facer unha serie de traballos previos a instalación das comportas.

Xa na introdución da Memoria Ambiental das obras, fala de que as Comportas van ser utilizadas para controlar a mortalidade de bivalvos durante o estío, ademais de permitir a celebración de competicións náutico-deportivas con independencia do réxime de mareas, e polo tanto, non se menciona en todo o informe que vai ser utilizado para crear unha praia artificial, nin que se vaian a producir ningún tipo de aportes de area nas praias, como así declarou o Alcalde de Cambados, no que anunciou que: “Costas del Estado “vai participar no proxecto” de recuperación de la playa existente hace unos años en O Pombal. Así se lo transmitió su delegada provincial en Pontevedra, Cristina Paz Curbera, y también han solicitado una reunión para abordar este y otros temas de interés para Cambados. Para devolver la playa y facilitar la cría de marisco, sería preciso realizar algunos aportes de arena.”  Non obstante na Memoria Ambiental do proxecto, non contempla en ningures nin a recuperación de ningunha praia, nin os aportes de area, e polo tanto en caso de facerse estes traballos, irían en contra do indicado no proxecto, e poderían ter consecuencias medio ambientais que non foron analizadas nin evaluadas no mesmo, xa que esta opción non se incluía na Memoria Medioambiental.

Pero o que consideramos mais grave de todo, e que dende o grupo de Anova Cambados queremos facer publico, e como tanto na propia Memoria Ambiental como na resolución de Avaliación ambiental establece a obriga de que as instalacións destas comportas deben levar consigo unha serie de medidas preventivas e correctoras, así corno un Plan de Seguimento ambiental que non se están a levar a cabo, non se informou del nin no Pleno Municipal por parte do Alcalde de Cambados, nin tampouco se lles informou do mesmo as mariscadoras, por que a empresa que vai levar a cabo estes traballos dentro da xestión das comportas inda nin sequera foi adxudicada,  e o que é mais grave de todo, e que no propio Plan de Seguimento Medioambiental establece que permanencia da preamar na enseada durante un período maior ao réxime de mareas pode afectar a calidade das augas, e en consecuencia afectar aos bancos marisqueiros, xa que se trata de auga estancada, sen renovación mareal, e no que se producira un aumento da temperatura, en maior medida durante a época estival. O osixeno disolto na auga vai diminuír, podendo chegar a niveis limítantes e  pódense producir incrementos dos niveis de amonio e polo tanto do pH o non circular a auga, e ademais, as condicións microbiolóxicas e químicas das augas poden verse alteradas. 

Debido a todos estes riscos que se poden producir na Zona, no propio informe establece a realización dun seguimento das poboacións de bivalvos, así como da Calidade das Augas, detallando no propio Plan de Seguimento Medioambiental, os parámetros a analizar, e mesmo os períodos nos que se teñen que realizar, no que se inclúe un Estudio preoperacional, coa duración dunha campaña, antes de realizar as obras, e do que non se ten constancia de que se realizara, nin dos resultados do mesmo, xa que a empresa encargada de realizar estes traballos, que seria a que levara a xestión das comportas inda non foi adxudicada. Ademais, establece que se faga un seguimento continuo da Zona, chegando a establecer a posteriori da posta en funcionamento das comportas, a elaboración de móstreos e análises cada dous meses, establecendo a necesidade de analizar 6 zonas distintas dentro do banco marisqueiro, no que se analicen os exemplares de cada especie que se atopen nun metro cadrado, facendo un análise do peso húmido e densidades por clase de talla.  

Se non se levan correctamente a cabo estes traballos tanto previos, como con posterioridade a posta en funcionamento das comportas, a Memoria Medioambiental das obras, mostra que as Calidade das Augas poden chegar a diminuír a niveis que afectarían os bancos marisqueiros, por iso deben ser realizado o Plan de Seguimento Medioambiental. Pero o que mais nos chama a atención e como p pasado 6 de Decembro, tanto o Alcalde como o Presidente de Portos de Galicia, manifestaron que a Xunta de Galicia ten previsto privatizar a xestión da comporta, e que e iso leva o seu tempo.Primeiro crearase unha comisión mixta, que segundo o alcalde “aínda está nos cimentos”, e na que estarán, seguro, Portos, Confraría e Concello. Esta comisión encargarase de “definir como vai a funcionar” esa estrutura. E con iso claro, elaborarase un prego de condicións e convocarase un concurso público que pode deixar a comporta en mans dunha empresa ou doutro tipo de entidade. Pois esta empresa que resulte adxudicataria será a encargada de realizar o Plan de Seguimento Ambiental, debería xa estar adxudicada e funcionando, para poder facer os análises previos que establece o propio Plan de Seguimento, e que polo tanto vai ser adxudicado cando a comporta xa este instalada e polo tanto incumprindo a Memoria Medioambiental do Proxecto.


Polo tanto, nos atopamos coa instalación dunhas comportas apiques de rematar, cun saneamento da zona que inda non foi adxudicado, cunha Memoria Medioambiental do proxecto que non menciona por ningures nin os traballos para devolver ningunha praia, nin os aportes de area precisos para recuperar esa praia, e que polo tanto non se sabe o impacto ambiental que terían na zona eses traballos, e no que na propia Memoria establece un Plan de Seguimento Ambiental, a través da empresa que leve a xestión das comportas, que inda non esta adxudicado, e que polo tanto vai ser imposible que realice os traballos previos precisos, e no que pon de manifesto que a permanencia da preamar na enseada durante un período maior ao réxime de mareas pode afectar a calidade das augas, e en consecuencia afectar aos bancos marisqueiros, e que dito Plan, non se vai poder levar a cabo como establece a Memoria Medioambiental, por que inda non se adxudicou a empresa que os ten que realizar. Se esta é a forma de xestionar a calificada como obra mais  importante da lexislatura, polo goberno municipal do PP de Cambados, deixa moito que desexar.

16 ene 2014

A realidade sobre as comportas do Saco de Fefiñans denunciadas por Anova ratifícanse coas declaracións feitas polo Conselleiro de Medio Ambiente estes días na prensa, o Partido Popular incumpre o acordado en sede parlamentaria

Dende Anova Cambados queremos reiterar como o PP segue sen priorizar as inversións feitas en Cambados, en concreto nas obras que se pretenden realizar no Saco de Fefiñans con respecto as recentes manifestacións polo Conselleiro de Medio Ambiente, en relación as obras de instalación das Comportas do Saco de Fefiñans e o saneamento da zona, e as continuas versións e falsas promesas que se están a dar aos veciños de Cambados en relación a este asunto, con continuas afirmacións por parte de distintos organismos nos que a cidadanía ve que na realidade non se cumpren, a pesares das falsas promesas e a insistencia do Partido Popular por agochar a realidade.

Nestes días podemos ver como o Conselleiro de Medio Ambiente recoñeceu publicamente que o obxectivo do seu departamento e que as obras de Saneamento da Zona do Saco de Fefiñans sexan contratadas antes do verán, cun prazo de execución de 12 meses, namentres que as comportas do Saco de Fefiñans xa comezaron dende o pasado mes de Novembro cun prazo de execución de 7 meses, polo que as obras de instalación destas comportas estarían rematadas, no mellor dos casos, xusto cando comecen as obras de saneamento, cun prazo de 12 meses de execución, iso si se cumpren desta vez os obxectivos nos prazos declarados polo Conselleiro de Medio Ambiente, pero que xa foron variados en continuas ocasións.

Para entender como o Partido Popular non cumpriu o prometido, vamos comezar en Febreiro de 2011, cando o Presidente de Portos de Galicia afirmaba rotundamente que as Comportas serian instaladas unha vez que se rematara o saneamento do saco de Fefiñans, o cal estamos a ver a dia de hoxe, é mentira, e que se pode comprobar no enlace. Pasado o tempo, e en vista de que se ia descubrir que estas afirmacións eran totalmente distintas a realidade, a propia Consellería, a través do Parlamento de Galicia, xa aclaraba que a activación destas comportas comezaría cando remataran as obras de saneamento do Saco de Fefiñans, e que as obras da instalación das comportas, se atopaban en “stand by” ata que as obras de saneamento comezaran, para cumprir o compromiso de instalala en paralelo as obras de saneamento, segundo documento adxunto, e a vista destas afirmacións feitas nestes días polo Conselleiro de Medio Ambiente, adiando novamente a contratación das mesmas, vemos como o Partido Popular, non so minte os veciños de Cambados, se non que tamén incumpre o acordado en sede parlamentaria.


Pero o mais grave de todo, é que se o Concello de Cambados cumpre a promesa feita en reiteradas ocasións de que as comportas non comezarán a funcionar ata que este rematado o saneamento do Saco de Fefiñans, e si se cumpren os prazos de execución das comportas, as cales están previstas en sete meses dende o mes de Novembro no que se comezaron as obras, e temos en conta que o saneamento do Saco de Fefiñans ten un prazo de execución de doce meses, ímonos atopar cunha obra publica cun custe de 472.623.58 €, que non vai ser utilizada durante un ano, o que dende Anova consideramos sangrante nestes momentos de dificultade que están a pasar moitos veciños de Cambados, e cando nos atopamos con multitude de obras precisas para o Concello, e que deberían ser consideradas moito mais urxentes, e nestes momentos non dispoñen de fondos para ser executadas

9 ene 2014

ANOVA DEMANDA QUE SE ACTUE PARA PROTEXER E POR EN VALOR O ENTORNO DA TORRE DE SAN SADURNIÑO, DECLARADO BEN DE INTERESE CULTURAL INSCRITO NO INVENTARIO XERAL DE PATRIMONIO CULTURAL DE GALICIA

A Agrupación local de Anova IN de Cambados, demanda o Concello de Cambados e a Dirección Xeral do Patrimonio Cultural que proceda a acometer a actuación precisa para protexer e a vez por en valor o entorno da Torre de San Sadurniño, unha vez que volveron a saír a luz os restos do que parece ser a muralla medieval que se atopaban soterrados.


Dende ANOVA IN de Cambados, consideramos que o patrimonio histórico cultural de Cambados, debe ser un referente moi a ter en conta na nosa vila, polo que é preciso protexer e por en valor este patrimonio. Neste senso, cremos que é urxente realizar traballos arqueolóxicos no entorno da Torre de San Saturniño, xa que poderían ter un alto interese histórico, cultural e a vez turístico para o noso Concello.

Cabe lembrar, como apunte histórico, que a Torre de San Saturniño  co descubrimento do sepulcro do apóstolo Santiago a principios do s. IX e o posterior levantamento da catedral, provocaron que xurdisen estas torres de vixía para defender a ría de Arousa e Compostela dos ataques de normandos e viquingos. Construída na antigamente coñecida como a illa da Figueira, en tempo do bispo compostelán Sisnando I, na Alta Idade Media e reparada posteriormente polo arcebispo Xelmírez. Por medio de fogueiras avisábase da chegada dos piratas á ría. A Torre da Lanzada enviaba o sinal de fume á Torre de San Sadurniño que o remitía  á Torre de Cálogo en Vilanova de Arousa  e esta, á súa vez, llo facía chegar ás Torres do Oeste en Catoira, pondo en estado de alerta e defensa a toda a comarca e a Santiago de Compostela. Esta torre representa os restos do que antigamente fora unha fortaleza, que sería destruída polos rebeldes Irmandiños, e de novo reedificada por Gómez de Sotomayor ata o seu abandono. Xunto a ela, había unha capela, da que non quedan vestixios, coas imaxes de San Tomé, que lle deu nome á vila, e San Sadorniño, que lle deu nome á torre, conservadas na capela da Valvanera.

Esta defensa contra os ataques dos pobos viquingos e sarracenos valeulle para ser nomeada "Moi Leal Vila" polo rei Fernando II no s. XII, iniciándose entón un período de esplendor que queda reflectido na multitude de pazos que existen no municipio.

Logo de que en marzo de 2011 sairán a luz os restos do que parece ser a antiga muralla da fortaleza medieval, e que o arqueólogo municipal remitira un informe a patrimonio para que indicara o procedemento a seguir ante a posibilidade de tratarse dun descubrimento arqueolóxico, decidiuse volver a soterrar con area os restos da fortificación para evitar a erosión da mesma, e que nunha posterior visita a zona, especialistas da materia avaliasen o seu estado e accións futuras. Pero ata o dia de hoxe, isto último non se produciu debido o pouco ou nulo interese mostrado polas distintas administracións, comezando polo propio goberno municipal do PP.


Dende Anova Cambados non entendemos como contando cun arqueólogo municipal, que ademais esta contratado irregularmente dende o 2003 segundo reparo da interventora municipal,  cun custe mensual que rolda os 1.500 €, e que tendo constancia deste achádego arqueolóxico no que probablemente sexa o primeiro núcleo poboado de Cambados, catalogado como monumento de interese cultural cunha protección arqueolóxica integral segundo o Plan Especial de Protección Histórico de Cambados, non se procedera dende o Concello de Cambados a elevar unha proposta de actuación ao órgano competente, como establece o punto 5.4 do Plan Especial, nin se insista para obter os permisos pertinentes para  acometer os traballos de posta en valor destes restos arqueolóxicos, se non que sinxelamente se tapen con terra estes restos que forman parte da historia de Cambados.   


Nestes días podemos ver como o Camposanto de Santa Mariña foi incorporado a “Ruta de los Cementerios singulares de Europa” e como dende a propia web do concello consideran que esta posta en valor vai beneficiar para o seu coñecemento e conectar a investigadores, historiadores e profesionais deste tipo de patrimonio, e mesmo se fala de realizar unha ruta de visitas guiadas.  Dende Anova consideramos que a posta en valor dos restos arqueolóxicos que están a saír a luz na Torre de San Sadurniño, son do mesmo xeito precisos e beneficiosos non so para a cultura de Cambados, se non tamén para o turismo e a economía da nosa vila.

7 ene 2014

ANOVA CAMBADOS TRASLADA O PARLAMENTO DE GALICIA, A TRAVES DO DEPUTADO DE AGE, ANTON SANCHEZ, AS IRREGULARIDADES COMETIDAS POLO CONCELLO NAS OBRAS DO CAMIÑO EN QUINTANS DENTRO DA ZONA DE PROTECCION MEDIOAMBIENTAL UMIA-O GROVE

A Agrupación local de Anova IN de Cambados, trasladou a través do deputado de Alternativa Galega de Esquerdas, Anton Sánchez, unha pregunta para a súa resposta oral en comisión sobre as irregularidades cometidas polo Concello de Cambados nas obras de acondicionamento do camiño forestal en Cuncheiros, Lugar de Quintáns, na parroquia de Castrelo, dentro da Zona de Especial Protección Medioambiental do Umia-O Grove.

ANOVA quere volver insistir en demandar unha maior transparencia por parte do Alcalde e do equipo de goberno do Concello de Cambados ademais de explicacións polo miúdo sobre a obra que operarios municipais están a levar a cabo no lugar de Quintáns, en Castrelo, consistente no ancheamento dun camiño que dá acceso a varias fincas da zona, así como a vivenda - museo do escultor Manolo Paz. Na mencionada obra están a levarse a cabo movementos e compactación de terras así como talas de árbores.

Logo de que a fai un mes, e no propio pleno municipal, o propio Alcalde nos contestara dicindo que "todo estaba en regra" e que nos remitiría a documentación correspondente, a día de hoxe seguimos á espera da mesma, e polo tanto incumprindo a lexislación vixente en información medioambiental, xa que esta establece, segundo a Lei 27/2006, do 18 de xullo, pola que se regulan os dereitos de acceso á información, de participación pública e de acceso á xustiza en materia de medio ambiente, o solicitante ten dereito a recibir a contestación no prazo dun mes (apartado 2.c do artigo 10 da Lei). Rematando o mesmo o 9 de Xaneiro de 2014, e non recibindo a dia de hoxe documentación algunha. 

Onde si puidemos comprobar documentación foi na Delegación de Medio Ambiente en Pontevedra, e comprobamos como o Concello de Cambados solicitou permiso para asfaltar un camiño, e como Medio Ambiente non aceptou o asfaltado e concedeu permiso unicamente para facelo con xabre.  

Pero o máis curioso é comprobar como o mesmo día no que a Agrupación de ANOVA en Cambados pide explicacións públicas polas obras e presenta os escritos no Concello e perante a Dirección Xeral de Conservación da Natureza, dependente da Consellería de  Medio Ambiente, advertindo das obras e da tala de árbores, o Concello de Cambados solicita por escrito a tala das árbores, CANDO XA ESTABAN CORTADAS.
 

Ese é o xeito de actuar dun Concello?  Dende Anova consideramos que non, e por iso solicitamos que a Consellería de Medio Ambiente, a través do Parlamento de Galicia, explique si o Concello de Cambados cumpre coa legalidade vixente neste proceso, actuando de forma irregular, pedindo por escrito a solicitude a Consellería de Medio Ambiente para talar 8 arbores, o mesmo dia que Anova Cambados fai a denuncia publica, e cando mais de trinta arbores xa estaban cortadas, ademais de ser especies que nalgúns casos non lles darían permiso para facer esa tala, o contar cunha maior protección, e ser moi escasas dentro desta zona protexida, polo que solicitamos perante a Comisión se existe algún informe sobre a tala desas arbores, e se estas obras coinciden coa documentación aportada inicialmente polo concello na solicitude, e a xustificación da mesma.


  • A Continuación podese ver as explicacións que deu no Pleno o Alcalde de Cambados a partir do minuto 10.

  • A Continuación deixamosvos copia da pregunta presentada polo grupo parlamentar AGE para a sua resposta oral en comisión.

4 ene 2014

ANOVA PIDE EXPLICACIÓNS E TRANSPARENCIA POLA QUERELLA CONTRA O ALCALDE DE CAMBADOS.

Sospeita que esta denuncia ten que ver coas malas prácticas xa denunciadas por ANOVA e pola propia interventora do Concello no informe das contas do Concello.


O Grupo Local de ANOVA – Irmandade Nacionalista en Cambados a vista na nova aparecida hoxe nun medio de comunicación sobre a admisión a trámite dunha quérella xudicial contra o alcalde de Cambados por falsidade documental, quere facer públicas as seguintes consideracións:

Pola información daque se fai eco o xornal a denuncia fundaméntase na acusación de que o Concello de Cambados nega o recoñecemento a empresa dunhas facturas presentadas por obras realizadas a maiores en diversos investimentos contratados polo Concello a esa empresa.  A empresa acusa de falsidade documental e polo importe reclamado, 140.000 euros o tipo de denuncia e penal.

E evidente que faise necesaria por parte do Concello de Cambados, a parte da obrigatoria colaboración coa xustiza en todo o que se lle demande, un urxente exercicio de transparencia.   ANOVA ante esta situación esixe “luz e taquígrafos”, que se publiquen os motivos e argumentos da denuncia e que se permita o acceso a toda a documentación existente en relación con esas obras e o obxecto da denuncia.

Concretamente se a denuncia ten que ver con facturas de sobrecustes de obras contratadas, habería que comprobar como se realizaron esas contratacións, as condicións establecidas e, moi importante, as certificacións e informes dos técnicos municipais e de dirección de obra sobre o desenvolvemento e recepción das obras por parte do Concello. No caso de non existir está documentación, o Concello de Cambados estaría metido “nun bo lio”.

Ademais no caso de ser obras que se financiaran con algunha subvención, tamén se deberían comprobar as cantidades económicas que o Concello xustificara para percibir a subvención, porque por aí tamén pode verse se existe ou non falsidade documental.   

Con respecto a investigación xudicial, ANOVA entende perfectamente a diferenza entre estar imputado, procesado ou condenado, e sendo certo que un imputado non é un encausado, non é menos certo que a citación como imputado fundamentaríase en indicios da participación nos feitos, por iso temos que pedir total colaboración coa xustiza, para que a investigación chegue ata o final.

ANOVA xa ten denunciado noutras ocasións as múltiples irregularidades existentes na xestión do Concello de Cambados, malas prácticas postas de manifesto incluso pola propia interventora municipal en múltiples informes e reparos as contas municipais. 

Prácticas como contratacións de asesoría externa que se fan sen contrato de prestación de servizos, obras adxudicadas sen expediente de contratación nin informe técnico  ou consignación orzamentaria; ou facturas aprobadas sen xustificación do gasto son algunhas das irregularidades que enumerou a interventora municipal e que xa no seu día denunciara ANOVA, polo cal tampouco debería estrañarnos moito que os motivos e argumentos desta denuncia contra o Concello fosen reais.


ANOVA tamén quere interpelar ao PP Galego e da Provincia de Pontevedra, para que os Señores Rueda, Louzán ou o propio Cores Touris resposten se este e o modelo de xestión que defenden para os Concellos do Partido Popular, e para que como responsables políticos da organización do Partido Popular tomen medidas para evitarlle aos veciños do Salnés o bochorno de ver a dous alcaldes en activo nos xulgados (Sanxenxo e Cambados).

20 dic 2013

O CONCELLO DE CAMBADOS APROBA UNHA MODIFICACION DO REGULAMENTO DOS FICHEIROS DE DATOS DE CARACTER PERSOAL, SEN INSCRIBIR O ANTERIOR REGULAMENTO NA AGPD COMO ESTABLECE A LEXISLACION

No último pleno do 19/12/2013, foi aprobada por unanimidade a modificación do regulamento dos Ficheiros de Datos de Carácter Persoal do Concello de Cambados, publicado no BOP do 11/04/2013, pero que a dia de hoxe, oito meses despois de ser publicado no BOP, inda non foi inscrito no Rexistro da AGPD como establece a lexislación vixente.

Dende ANOVA I.N. de Cambados, queremos mostrar como dende o Concello de Cambados, a pesar de contar con varios asesores a cargo das cada vez mais reducidas arcas publicas, non se están a levar a cabo unha correcta xestión en materia de protección de datos, que si se lles esixe ao resto de veciños dende as distintas administracións. Neste caso, temos un claro exemplo no proceder coa implantación do Regulamento dos Ficheiros de Datos de Carácter Persoal, que foi publicado no BOP do pasado 11/04/2013, e que foi aprobada a súa modificación por unanimidade no pasado pleno, pero o que mais nos chama a atención é como a pesares de aprobarse agora a modificación deste regulamento, e ser publicado hai mais de oito meses, o Concello de Cambados, volve a saltarse a lexislación vixente nesta materia, e a día de hoxe non constan inscritos a súa notificación na Axencia Española de Protección de Datos polo Responsable dos ficheiros, o Alcalde Luís Aragunde, como establece o art. 55.1 do RDL 1720/2007 do Regulamento da L.O.P.D. e o Art. 39.2 da lei 15/1999 de Protección de datos de Carácter Persoal.


Como podemos comprobar no Regulamento de Ficheiros de Datos de Carácter Persoal do Concello de Cambados, publicado no pasado BOP do 11/04/2013, o concello de Cambados aprobou a a creación de seis novos ficheiros dos xa existentes anteriormente:
                                        
1.—Rexistro de entrada e saída de documentos do Concello.
2.—Rexistro de entrada e saída de documentos da policía local.
3.—Policía administrativa.
4.—Seguridade cidadá.
5.—Multas.
6.—Videovixilancia da Casa do Concello. 


Pois segundo podemos comprobar na Paxina web da Axencia Española de Protección de Datos de Carácter Persoal (AGPD), o Concello de Cambados so ten inscrito un destes ficheiros, o de videovixilancia, e polo tanto segue sen cumprir a lexislación vixente nesta materia, ao non ter inscrito o resto de ficheiros de carácter persoal, como si o fixeron a maioría dos concellos, e que si se poden consultar na propia web da AGPD. Polo que dende ANOVA non entendemos como non se realiza por parte do Concello de Cambados tódolos tramites precisos nesta materia, e como despois de 8 meses non se remite a inscrición do Ficheiro a AGPD, e polo tanto cumprir a lexislación vixente que si se lles esixe en troques o resto de veciños de Cambados. 

O mais grave de todo é que se tratan de ficheiros que no propio BOP son clasificados de nivel medio, e que polo tanto teñen que ter un maior grado de seguridade, e que en todos eles o Responsable do Ficheiro é o propio Alcalde do Concello de Cambados, e polo tanto, quen debe ser o encargado de remitir a inscricións destes ficheiros a Axencia Española de Protección de Datos, e que a dia de hoxe inda non consta, e que polo tanto debido a quedarse durmido nas súas funcións, a pesares de contar con varios Asesores, o Concello de Cambados non cumpre a lexislación vixente nesta materia, polo que non ten sentido modificar este regulamento cando este inda non cumpre a lexislación, oito meses despois da súa creación.

A continuación deixámosvos os vídeos do Pleno do Concello de Cambados celebrado o pasado 19/12/2013

18 dic 2013

O CONCELLO DE CAMBADOS SOLICITOU PERMISO PARA TALAR ÁRBORES EN QUINTÁNS O MESMO DÍA QUE ANOVA DENUNCIOU AS OBRAS

Medio Ambiente abre expediente ao Concello de Cambados pola tala das árbores en Zona de Protección Especial e a actuación tampouco se axusta á Ordenanza urbanística reguladora desa zona.



ANOVA quere volver insistir en demandar do Alcalde e do equipo de goberno do Concello de Cambados explicacións polo miúdo sobre a obra que operarios municipais están a levar a cabo no lugar de Quintáns, en Castrelo, consistente no ancheamento dun camiño que dá acceso a varias fincas da zona, así como a vivenda - museo do escultor Manolo Paz. Na mencionada obra están a levarse a cabo movementos e compactación de terras así como talas de árbores.

Logo de que a semana pasa pasada o propio Alcalde nos contestara en prensa dicindo que "todo estaba en regra" e que nos remitiría a documentación correspondente, a día de hoxe seguimos á espera da mesma. 

Onde si puidemos comprobar documentación foi na Delegación de Medio Ambiente en Pontevedra, e comprobamos como o Concello de Cambados solicitou permiso para asfaltar un camiño, e como Medio Ambiente non aceptou o asfaltado e concedeu permiso unicamente para facelo con xabre.  

Pero o máis curioso é comprobar como o mesmo día no que a Agrupación deANOVA en Cambados pide explicacións públicas polas obras e presenta os escritosno Concello e perante a Dirección Xeral de Conservación da Natureza, dependente da Consellería de  Medio Ambiente, advertindo das obras e da tala de árbores, o Concello de Cambados solicita por escrito a tala das árbores, CANDO XA ESTABAN CORTADAS.

Ese é o xeito de actuar dun Concello?  A institución que debe velar pola legalidade urbanística, que lles esixe aos veciños permisos e documentación en regra, actúa coa política de xeitos consumados "primeiro cortamos as árbores e logo cando alguén denuncia, corremos a pedir o permiso".  Para máis detalles, o permiso solicitado é para a tala de 8 árbores (3 eucaliptos e 5 piñeiros) cando, pola contra,  en Medio Ambiente constan máis de 30 piñeiros cortados. Ademais de constar no informe a tala de eucaliptos e tamén carballos e salgueiros, que nunca contarían co permiso de Medio Ambiente para a súa tala, xa que son árbores autóctonas que ademais están nunha zona na se atopa unha masa Salgueiral moi escasa na Zona de Protección Medioambiental e polo tanto única, como así nolo trasladaron dende a delegación de Medio AmbienteEn ANOVA temos coñecemento da apertura dun expediente sancionador por parte de Medio Ambiente contra o Concello de Cambados por esta actuación.  

A maiores desta cuestión ambiental, hai que indicar tamén que esta actuación non estaría permitida tampouco pola propia Ordenanza Municipal en vigor do PXOM de Cambados que regula estes terreos, e que prohíbe expresamente nas zonas de arborado inmediatas á costa a tala de árbores (Ordenanza 12, apartado 4 de Conservación Protección de costas, praias e elementos costeiros).

É por todo isto polo que dende ANOVA - Cambados queremos volver esixir a paralización das obras mentres non se resolva o expediente sancionador e se aclare se esta actuación cumpre coa normativa urbanística en vigor e a legalidade vixente.

Finalmente, sobre as declaracións de Luís Aragunde de "se queremos apoiar ou non a Cultura", querémoslle dicir que nos parecen de moi baixo calado e que incluso a cultura ten que cumprir a legalidade.


Este alcalde e o PP debían ser os menos indicados para opinar sobre cultura cando non foron capaces nin de organizar nin de apoiar unha programación completa para celebrar o Centenario de Cabanillas, claro que igual a cultura e ideas de Cabanillas son máis molestas cás doutros artistas...




9 dic 2013

ANOVA ADVIRTE SOBRE AS OBRAS DE AMPLIACIÓN DUN CAMIÑO NO LUGAR QUINTÁNS – CASTRELO, EN PLENA ZONA DE PROTECCIÓN ESPECIAL DA DESEMBOCADURA DO RÍO UMIA

Dende ANOVA sospeitase que o Concello novamente voltaría a actuar irregularmente, xa que que as obras non cumpren coa normativa e carecerían de todos os permisos correspondentes para a zona na que se están a realizar.

Dende a Agrupación Local de Anova Irmandade Nacionalista en Cambados queremos advertir sobre unhas obras que se están levando a cabo no Lugar de Quintáns, na parroquia de Castrelo, nas que se está a ampliar un camiño forestal en plena zona de protección especial medioambiental.

Segundo se pode comprobar nas fotos adxuntas, estase facendo unha obra de ampliación dun camiño mediante a tala e corta de árbores autóctonos e diversos movementos de terra…  A zona na que se está a actuar está clasificada como “zona de protección medioambiental especial”,  pola súa cercanía a desembocadura do río Umia. Tratase dunha zona incluída no Decreto 110/2004, do 27 de maio, polo que se regulan os humidais protexidos, e polo tanto, para realizar este tipo de infraestrutura viaria, o propio decreto establece e preciso a autorización expresa da Consellería de Medio Ambiente.

Ademais temos que falar novamente de complicidade do Goberno local de Cambados e do Partido Popular, feito que se comproba no cartel que se pode ver na foto que se achega no que se lles di aos propietarios dos térreos que queiran obter información se dirixan ao Concello, pero en troques non existe ningunha información da licitación da mesma, nin cartel anunciador como seria preceptivo,  nin do promotor, nin atopamos nos distintos diarios oficiais ningún expediente de licitación ou de expropiación aos propietarios.  Este escurantismo na forma de actuar e o que nos leva a pensar que estaría motivado porque son coñecedores de que as obras non contan cos permisos oportunos.

Dende Anova Cambados vamos presentar un escrito no Concello de Cambados así como na Consellería de Medio Ambiente, informando oficialmente das obras e solicitando, no caso do Concello, que informen sobre quen e promotor das obras, se conta con todos os permisos precisos ou non, e no caso de ser o propio Concello o que realiza a obra, cando, a quen e como se adxudicou a mesma.  Ademais solicitaremos que se proceda a súa paralización mentres non se aclaren todas estás cuestións e evitar que continúe o dano medioambiental que se está facendo nesa zona protexida, que xa é irreparábel.

Está claro que, esta forma de actuar non seria nova para o Concello de Cambados, xa que hai apenas unhas semanas, puidemos comprobar como facía caso omiso a lexislación vixente nesta materia para realizar unha obra na mesma Zona protexida, e sen contar co permiso previo da Consellería de Medio Ambiente.

Dende ANOVA Cambados gustaríanos que o alcalde respostase sobre cal e o obxectivo final desta obra, dubidamos, si esta infraestrutura busca o beneficio común, ou se fai só para beneficiar unicamente o acceso da fundación – vivenda que un famoso escultor cambadés ten na zona, xa que estas obras rematan xusto na súa propiedade. 

Dende Anova entendemos que é preciso prestar apoio aos artistas e as iniciativas culturais en Cambados, pero, iso sí, CUMPRINDO A LEI.  Non debemos esquecer que o noso legado medioambiental, é moito mais importante, e tamén forma parte da nosa cultura, polo que consideramos, que, non se debe beneficiar os intereses dun veciño, a conta de destruír un paraxe medioambiental que conta cunha especial protección debido a súa importancia.


22 nov 2013

Alternativa Galega de Esquerda esixe a extinción do contrato de subministro eléctrico de Fenosa


O deputado Antón Sánchez propón un novo sistema de recollida do lixo que prime a redución, a reciclaxe e a reutilización e deixe de ser negocio para a compañía eléctrica privada  

Santiago de Compostela, 22 de novembro de 2013.- O deputado de Alternativa Galega de Esquerda (AGE) Antón Sánchez defenderá no pleno parlamentario da vindeira semana unha proposición non de lei (pnl, no documento anexo) para esixir da Xunta “a revisión ou extinción do contrato de subministro eléctrico de Sogama con Unión Fenosa, por ser claramente lesivo para o interese público”. Sánchez explicou, esta maña en rolda de prensa no Parlamento de Galicia, que o actual modelo de xestión de residuos ten como único obxectivo beneficiar a Gas Natural-Unión Fenosa. “Canto máis lixo se incinere, máis electricidade vende Fenosa, adxudicataria do contrato para o consumo propio de electricidade”, afirmou o deputado de AGE, “o sistema é ‘canto peor, mellor para Fenosa”. Nas actuais circunstancias, “Sogama é unha empresa pública ao servizo de Fenosa”.

O expediente de contratación de Fenosa foi autorizado en 2011 pola Xunta de Núñez Feijóo. “Ao comezo, a electricidade producida na planta era para autoconsumo da propia planta”, expuxo Sánchez, “mais por unha decisión política admitiuse a venda desa enerxía”. Esta autorización e a reforma enerxética de Mariano Rajoy foron as causantes da suba do canon do lixo.

Para Alternativa Galega de Esquerda, o problema de Sogama é de fondo. Alén de orientar a xestión de residuos ao negocio dunha empresa privada concreta –Gas Natural Unión Fenosa-, o problema é o modelo. “Un sistema que non prima nin a reutilización nin a reciclaxe nin a redución, senón a incineración, é aberrante, non existe en ningún lugar de Europa”, denunciou o parlamentario de AGE, antes de lle lembrar ao presidente de Sogama –Luis Lamas, do PP- que preside “unha empresa pública, de todas as galegas e galegos, así que non pode comportarse como un hooligan do Partido Popular”.

XUNTANZA LOCAL DE ANOVA DOS CONCELLOS DE CAMBADOS - RIBADUMIA E MEIS.

SÁBADO, 23 DE NOVEMBRO, AS 17.00 HORAS NO EDIFICIO EXPOSALNES (CAMBADOS)


Como de costume, as xuntanzas de ANOVA son abertas polo que a parte de asistir podes convidar a quen o desexes sen problema. o local temos que deixalo as 20.00 Horas polo que se roga puntualidade.

Tratase de tentar retomar as xuntanzas locais, tratando de dotar aos grupos de continuidade no tempo.   Aproveitaremos tamén para revisar a situación de varios temas locais, tanto os que se incluen na orde do día como outros que poidan propoñer os asistentes a xuntanza.  Finalmente proporase elixir a unhas persoas para asumir diversos traballos e responsabilidades a nivel local, coa idea de organizarnos mellor e darlle axilidade tanto as xuntanzas.

A ORDE DO DÍA da xuntanza será:

1.      Información acordos das Coordinadoras Nacional e Comarcal de ANOVA.
2.      Cuestións Locais:
                                    •  Informar das actividades que leva realizado ANOVA nos Concellos de Cambados, Ribadumia e Meis.
                                    •  Situación das contas municipais en Cambados e traslado da situación ao Parlamento Galego.
                                    •  Tema comportas – saneamento do Saco de Fefiñans.
                                    •  Polítca de contratacións de técnicos de obras do PP en Cambados.
                                    •  Proposta de charla en Ribadumia sobre os recortes aos pensionistas e os expedientes de facenda aos pensionistas emigrantes retornados.
                                    •  Propostas para activar ANOVA a nivel local en Meis.
3.      Circular de Organización sobre a estructuración de ANOVA a nivel local e eleición de responsabilidades (Adxuntase copia da circular de organización sobre as responsabilidades a designar en cada Asemblea e como estructurala)
4.      Varios.
                       a.      Reparto da Lotaria de Nadal.