Anova aposta por un cambio de modelo contra os incendios

Antón Sánchez García, responsábel de Medio Ambiente de Anova, expuxo os argumentos a prol dun cambio profundo das políticas para o rural como solución á lacra dos lumes. Débese incrementar o esforzo en prevención, promover a educación ambiental e camiñar cara un modelo de extinción profesionalizado e simplificado.

Con respecto aos lumes deste ano, Antón Sánchez acusou á Xunta de tratar de xeito "infantil, mentireiro e manipulador" un problema estrutural.

1. Galiza ten o 7,7 % da superficie forestal do Estado e prudúcense no noso territorio o 45% dos incendios. O factor diferencial, evidentemente, non é o número de incendiarios, senon que ten causas estruturais evidentes, como afirman todos os expertos: ausencia de ordenación do territorio, desertización do rural, aposta por un modelo baseado na trituración de madeira de baixa calidade, baixo valor e, por tanto, baixa rendibilidade do monte, etc.

2. O PP, que gobernou 27 de 32 anos de autonomía, é o principal responsábel da situación do rural e do monte galego. A ausencia de políticas de viabilización do rural do PP é a principal causa da lacra do lume.

No 1992 apróbase un Plan contra incendios, consensuado por todas as forzas do Parlamento, para desenvolver unha política integral do monte que tivera en conta todos os obxectivos antes expostos para mudar as condicións estruturais que causaban os lumes e que impedían a explotación rendíbel do monte.

A consecución destes obxectivos debería de ser que cada vez se gastase menos en extinción e máis en prevención. Pois ben, sucede ao contrario: a única política do PP é a extinción, a manipulación, e a mentira. O único argumento é que a culpa é dos incendiarios, tratando de desviar a atención da súa ineptitude. "Cómo si un ministro de Interior lle bota a culpa do aumento da delincuencia aos delincuentes".

3. Aínda así, e a pesar de que todos os anos se gastan unha media de 90-100 millóns de euros en loita contra incendios, o operativo é cada vez menos profesional, menos eficiente e menos coordinado, e voltamos ao sistema caciquil de contratación nos concellos.

Até 11 entidades/organismos/empresas diferentes poden actuar nun lume. Seaga, funcionarios da Xunta, Tragsa, brigadas municipais, UME, Protección Civil, bombeiros públicos, privados, etc. Este ano, non se realizaron practicamente traballos de prevención, xa que os que o tiñan que facer foron contratados na súa maioría en agosto.

Feijóo e Rosa Quintana, non teñen vergoña (saben que o que din é mentira), mentireiros (trucan os datos) e manipuladores (queren por o foco só en quen prende o lume) cando fan eses discursos triunfalistas. Non asumen a súa responsabilidade nos lumes, cando estando na oposición tiveron un comportamento "canalla" na utilización dos lumes como arma partidaria (lembremos a famosa foto da mangueira).

4. ANOVA manifesta que so cun cambio profundo nas políticas do rural terá solución a lacra dos lumes. Revitalizar o rural evitando a desertización, ordenar o territorio, encamiñar o modelo cara un monte cunha funcionalidade múltiple e cara a explotación de madeira de alto valor engadido. Se o monte deixa de ser un problema para ser percibido pola poboación do rural como unha oportunidade, mellorará substancialmente a situación (as zonas onde o monte é rendíbel arden menos ou non arden).

Incrementar o esforzo en prevención (un exemplo do que non se debe de facer é retirar as subvencións ás razas autóctonas que serven para pastorear no monte) e promover a educación ambiental na poboación e camiñar cara un modelo de extinción profisionalizado e simplificado, evitando a multiplicidade de entes.

A REALIDADE DA AUSTERIDADE NA XESTIÓN DO PP NO CONCELLO DE CAMBADOS

ANOVA quere facer publica a forma de xestionar os fondos públicos polo goberno do PP de Cambados que esta moi lonxe da austeridade.

 

O Goberno do PP a través de varios medios de Comunicación, e ata dende a propia web municipal, ven manifestando que os orzamentos son redactados tendo en conta e adaptándose a realidade económica que estamos a vivir, chegando a sinalar cos orzamentos están marcados pola política de austeridade, ademais de pedirnos un esforzo a cidadanía coa subida das distintas taxas e impostos que sufrimos tódolos veciños de Cambados, nesta época na que toca apertar o cinto.

 

Pero dende Anova Cambados, queremos facer publico a forma de xestionar os fondos públicos do Concello por parte do Goberno do PP, e coma estes fondos que son recadados grazas o esforzo de tódolos veciños para pagar o seus impostos, son utilizados por parte do Goberno do PP, para manexalos o seu antollo, e ata a chegar a asumir débedas de terceiros nas que non se percibe nada a cambio, polo que nada ten que ver a forma de xestionar os recursos municipais coa Austeridade que tanto presumen.

 

Como se pode observar no Informe da Interventora Municipal do pasado 18 de outubro de 2012, na imaxe adxunta, o Concello de Cambados, a través do Alcalde do PP, Luis Aragunde, asumiu a débeda de Estación Náutica Rías Baixas, por importe de 6.326,66 €, débeda que mantiña este organismo coa Asociación de Estacións Náuticas de España, e que grazas a xestión do Goberno do PP, pasámola a asumir tódolos veciños de Cambados, pero como expón a interventora municipal, tratase dunha asunción de débedas mediante un contrato irregular, e entre outros motivos polo que se informou a alcaldía coma irregular e que debería darlle vergoña os dirixentes do PP de Cambados, e que se está a asumir unha débeda dun terceiro, según palabras textuais da Interventora Municipal, na que se “…asume unha obriga sen contraprestación (non percibe nada a cambio), é dicir non é oneroso, dado que nin a Asociación de Estaciones Náuticas de España nin a Estación Náutica Rías Baixas asume ningunha obriga nin contraprestación…”, chegando a expoñer a Interventora Municipal no seu Informe, “…Desde outra perspectiva, e ao estar asumíndose unha débeda dun terceiro sen xustificar o motivo, estase producindo unha obriga unilateral cun terceiro sen ningún tipo de xustificación, co cal esta claro que estamos na asunción dunha obriga económica sen xustificación de ningún tipo. Esa saída de fondos que implica a obriga económica asumida non ten xustificación nin motivación e como non pode ser unha subvención, dado que non se cumpre os requisitos da lexislación de subvencións, estamos realmente nunha entrega de fondos, a través dun contrato de asunción de débedas de forma unilateral por un terceiro, que vai contra os principios esenciais da asunción dos gastos dos entes públicos” e afirmando con rotundidade o final do informe, “Os Concellos non poden asumir débedas dun terceiro, e menos de entidades privadas”.

 

Esta e a forma de aplicar a Austeridade por parte do Goberno do Partido Popular?
Como pode asumir mediante un contrato unha obriga sen existir ningún tipo de contraprestación?
Por que temos que asumir unha débeda tódolos veciños de Cambados dun terceiro sen percibir nada a cambio?
Por que asina un contrato asumindo esta débeda o noso Alcalde en representación de tódolos veciños de Cambados, se non existe contraprestación algunha?
Estaría disposto a facerse cargo el persoalmente co seu patrimonio persoal da débeda xa que os veciños non vamos a percibir nada por esta obriga?

Dende Anova Cambados consideramos que esta forma de actuar por parte do goberno do PP en Cambados esta moi lonxe da Austeridade que tanto presumen e que según estes documentos queda claro que non se aplica, polo que nos vemos na obriga ante esta forma de actuar de facer públicos no noso Blog, nos enlaces o final da entrada, o contido integro da Conta Xeral dos Orzamentos do Exercicio 2012, que vai ser tramitada para a súa aprobación no próximo pleno do vindeiro Xoves 29 de Agosto, e que tódolos veciños teñen dereito a consultalas, e poderán ver tódolos informes da Interventora Municipal polas distintas irregularidades que se están a cometer por parte do Goberno do PP de Cambados, e que ocupan mais de 200 paxinas.

 

Para o Grupo Local de ANOVA Irmandade Nacionalista de Cambados non se pode seguir ignorando estas irregularidades, entendemos que xa está ben desta situación.  Estamos nun momento en que os cidadáns están cansos de ver todos os días situacións de corrupción na política, de tratos de favor e como se manteñen determinados privilexios, polo que entendemos que o PP non pode seguir a actuar así en Cambados. Non nos poden esixir esforzos a cidadanía aumentando ano tras ano a carga impositiva, a pesares da situación que estamos a sufrir e con moitos veciños do Concello de Cambados en situación de Desemprego e sen apenas recursos, mentres eles utilizan eses fondos para asumir obrigas de pago na que os veciños non temos ningún tipo de contraprestación nin percibimos nada a cambio, simplemente por que os nosos dirixentes queren asumir unha débeda dun terceiro. Non se pode esixir un esforzo a cidadanía nestes momentos por parte do Goberno de Cambados do PP mentres están actuando desta maneira cos fondos públicos, polo que consideramos que esta forma de actuar os esta a desacreditar en futuras subidas de impostos, como farán dentro duns meses coa subida teórica do IPC.  

Preme na Imaxe para acceder os Reparos de Intervención e a Conta Xeral do Concello de Cambados do Exercicio 2012.

  



 

O INFORME DE INTERVENCIÓN E TESOURERIA DO EXERCICIO 2012 EVIDENCIA A NEFASTA E IRREGULAR XESTIÓN DO POLIGONO INDUSTRIAL DO CONCELLO DE CAMBADOS

Dende ANOVA I.N. de Cambados, queremos facer publica a nefasta xestión por parte do actual e anteriores gobernos do PP de Cambados nunha vital infraestrutura para a economía de Cambados, O Poligono Industrial Sete Pias.

A exposición pública da Conta Xeral do Concello de Cambados correspondente a 2012 pon en evidencia, e ratifica por escrito, a través do Informe de Intervención e Tesourería, emitido pola interventora municipal, unha situación que evidencia a mala xestión dende fai anos por parte do actual e anteriores Gobernos do PP en Cambados, A INACCION E IRREGULAR XESTIÓN QUE DENDE FAI MOITOS ANOS VEN FACENDO O PARTIDO POPULAR EN CAMBADOS NUNHA DAS PRINCIPAIS INFRAESTRUCTURAS ECONOMICAS DO NOSO CONCELLO, situación que se acentuou na época de Cores Touris como alcalde e que se segue a manter na actulidade con Luis Aragunde.

Sempre se dixo que o PP utilizaba o Concello como o seu couto particular, sen respectar os principios de igualdade e transparencia, e en beneficio dos intereses do partido e dos seus dirixentes. Que había contratacións irregulares,favores, … sempre se dixo pero poucas veces quedou tan claramente reflexada está situación en documentos oficiais como no Informe de Intervención e Tesourería, emitido pola interventora municipal Concello de Cambados correspondentes ao exercicio 2012.

Neste informe, aparece claramente reflexado por parte da Interventora Municipal, como no alleamento das parcelas do polígono industrial, nos exercicios 2001 e 2002 aparece un saldo pendente de abono por parte de compradores dalgunhas desas parcelas por importe de 114.369,89 €, terreos que foron expropiados no seu momento a veciños do Concello, e que agora os compradores deses terreos non abonaron ao Concello, supoñendo unha gran perdida de ingresos as arcas municipais.

Pero o mais grave de todo, a pesar de contar o Concello de Cambados con un Asesor Xurídico dentro do persoal do concello, e do alto custe que supón para tódolos veciños de Cambados, como denuncia a Interventora Municipal, “O que non pode continuar é a inacción deste Concello, sobre todo porque os referidos dereitos continúan pendentes de ingreso á Facenda municipal, debendo realizarse as actuacións necesarias para o seu cobro, mediante o exercicio, no seu caso, das correspondentes accións civís, dada a natureza privada do ingreso. Vólvese a reiterar asemade, que o feito de que ditas cantidades continúen pendentes de cobro esta a provocar un menoscabo ós caudais municipais, coa conseguinte responsabilidade por tal situación.”

Non se pode permitir que continúe esta inacción por parte do Goberno Municipal do PP de Cambados, que antes de reclamar uns cartos, e seguramente ter que denunciar este impago, prefire ano tras ano, deixar correr o tempo sen reclamar unha débeda de tal importe, por que se non se actúa dita débeda podería chegar a quedar prescrita e non se podería reclamar nos tribunais, estarían dispostos os membros do Goberno do PP a facer fronte a súa responsabilidade nesa débeda, e afrontar o pago da mesma se non se pode reclamar nos tribunais se esta queda prescrita? Actuarían desta maneira se lle deberan a eles os cartos e non a tódolos veciños de Cambados? Esta e a forma de Xestionar os recursos de tódolos veciños de Cambados que tanto presumen dende o Goberno do PP?

Pero apesares do que acabamos de expoñer, isto non é a única situación irregular no Polígono Industrial por parte do Goberno do PP de Cambados, xa que existen mais formas de actuar que poñen de manifesto a nefasta Xestión do PP de Cambados dos  recursos públicos, en relación a Nave Loxística propiedade do Concello de Cambados e que foi destinada a aluguer durante estes anos.

Como se pode comprobar no Informe de Intervención e Tesourería, emitido pola interventora municipal Concello de Cambados correspondentes ao exercicio 2012, esta nave propiedade do Concello de Cambados, atopase adxudicada en aluguer a varias empresas, dende fai varios exercicios, pero que a pesares de que nas adxudicacións dos contratos de aluguer, establece que as tarifas aboaranse por mensualidades anticipadas, atopámonos con que as empresas que están ocupando esta nave, non están facendo fronte as cantidades pactadas dende fai anos, así podemos ver según especifica a Interventora, que a débeda das adxudicatarias figuran, "Centro de Produción Vicar, S.L' cuxa débeda ascende a 23.614,88 €, a empresa Forvi S.C.G que adebeda 21.371,44 € e Transportes Nuñez Sayar, S.L cuxa débeda ascende a 12.040,00 €. Ademais de atoparnos coa débeda de "Aspir Center Galicia S.L", esta empresa formulou a súa renuncia ó espazo mediante escrito de data 21/09/2011. Sen embargo, deixou pendente de aboar mensualidades por un importe total de 13.373,11 €, e que a data da formulación do informe non se formalizou ningún tipo de reclamación por parte do concello a estas empresas, a pesares de dispoñer dun asesor xurídico dentro da relación do persoal municipal, e de provocar quebrantos económicos para a facenda municipal, tal é a inacción na xestión do Goberno do PP neste asunto, que nin se reclama o aluguer dunha empresa que formulou a súa renuncia ao espazo no exercicio 2011, e que apesares de deber 13.373,11 € a tódolos veciños de Cambados, e haber deixado de utilizar o espazo publico, o Goberno do PP parece que non esta interesado en reclamar ningunha cantidade a esta empresa, xa que neste últimos dous anos non se realizou ningún tipo de reclamación, chegando a esixir no seu informe, a Interventora Municipal, que se proceda a esixir a débeda por vía xudicial, reclamacións que o Goberno do PP de Cambados fai oídos xordos.

Pero o mais grave de todo, e que non ten ningún tipo de escusa por parte do Goberno Municipal do PP de Cambados, e como a unha empresa, que adebeda o Concello de Cambados a cantidade de 23.614,88 €, pola utilización do espazo publico da Nave Loxística Sete Pias, e que non se faga nada para reclamar esta débeda, se lle adxudique de forma irregular, como así manifestou a interventora Municipal no Informe de data 13/04/2012, o cal se pode ver na imaxe, se lle abona a factura 2012FACTU/133 por importe de 47.199,99 €, en concepto ventas para o Colexio Magariños, omitíndose o procedemento de contratación legalmente establecido, estando en presenza dun contrato verbal prohibida pola lexislación vixente, e sen constar nos expedientes de obra, nin o orzamento de obra (debidamente conformado polo técnico municipal), nin aprobación previa do gasto; ademais de que as facturas carecen da firma do técnico municipal, estando conformadas unicamente pola alcaldía, e polo capataz de obras.

 

Polo que estamos ante unha adxudicación irregular según se desprende do informe da interventora municipal, dunha obra por importe de 47.199,99 €, a unha empresa que adebeda o concello de Cambados 23.614,88 €, e que non se procede a reclamar esa débeda a pesares de provocar quebrantos económicos para a facenda municipal, agravios comparativos e incumprimento da legalidade aplicable, e que se manteña a inacción na reclamación da débeda ano tras ano, parece que en vez de recramar a debeda, estaselle a agasallar coa adxudicación dunha obra, e o que é mais grave de todo, de forma irregular...

CONCLUSIÓNS:

Que fai o PP de Cambados diante desta situación?, POÑER UNHA VENDA DIANTE DOS OLLOS, a pesar da reiteración de advertencias, segue ano tras ano cometendo as mesmas irregularidades.  Como van a competir o resto de empresas de Cambados ante este agravio comparativo, que pasaría se calquera de nos, por exemplo adebedara o recibo da auga ou do saneamento, ou o Imposto de Circulación, canto tempo tardaría o concello en embargarnos os bens, ou premiaríanos cunha adxudicación irregular?.  Esta situación só pode explicarse polo interese do Partido Popular de manter o status quo de determinados poderes fácticos de Cambados e os privilexios que lle outorgan a certas empresas do Concello que logo lles resultan moi útiles para a financiación das campañas electorais.

 

Para o Grupo Local de ANOVA Irmandade Nacionalista de Cambados non se pode seguir ignorando estas irregularidades, entendemos que xa está ben desta situación.  Estamos nun momento en que os cidadáns están cansos de ver todos os días situacións de corrupción na política, de tratos de favor e como se manteñen determinados privilexios, polo que entendemos que o PP non pode seguir a actuar así en Cambados.

 

Dende ANOVA estamos analizando polo miúdo estes reparos e continuaremos a denunciar as situacións irregulares e a publicalas para coñecemento de todos os veciños de Cambados.  Tamén trasladaremos está situación ao Parlamento Galego, a través dos Deputados de Alternativa Galega de Esquerda, para que interpelen ao Vicepresidente da Xunta de Galicia, e secretario en excedencia do Concello de Cambados, sobre si avala está xestión irregular e se ese é o modelo que pretende implantar nos demais Concellos o Partido Popular.

O Concello volve a adxudicar irregularmente a Carpa Gastronómica da Festa do Albariño

Dende o Grupo Local de ANOVA – Irmandade Nacionalista de Cambados xa manifestamos publicamente que non estamos de acordo coa adxudicación publica do concurso para a explotación da Carpa Gastronómica, no lateral do paseo da calzada durante a LXI FESTA DO ALBARIÑO 2.013, e tamén manifestamos as continuas irregularidades que se estaban a cometer neste tipo de contratacións no Concello de Cambados denunciadas en reiteradas ocasións pola Interventora Municipal.

O tempo danos a razón sen dubida, e o Concello de Cambados continua a contratar e adxudicar irregularmente en beneficio sempre das mesmas empresas, e para mostra esta forma de actuar, na contratación desta Carpa Gastronómica unha vez que quedou deserto o concurso publico.

Como se pode comprobar na imaxe adxunta, extraida da Conta de Resultados do Exercicio 2012 do Concello de Cambados, e na que a Interventora Municipal, xa manifestaba as irregularidades cometidas polo Goberno do PP no Concello de Cambados a hora de adxudicar este servizo o ano pasado; o tratarse dunha aceptación tácita do Concello de Cambados, sendo contraria a normativa vixente, ademais de que a oferta realizada por Porto de Cambados, S.L., non respetou as condicións que se tiveron en conta para licitar a mencionada autorización, o cal vulnera os principios de  publicidade e concorrencia, establecidos na Lei de Contratos do Sector Publico, e que este ano se volve a repetir polo que se pode observar na información que fixo publica o Faro de Vigo, e que pódese ver no seguinte enlace.

Tratase polo tanto de favorecer a mesma empresa ano tras ano, a conta dos ingresos dos hostaleiros de Cambados, como xa vimos denunciando varias veces neste blog, e o que é mais sangrante, adxudicado irregularmente e non cumprindo a lexislación vixente en materia de contratación publica.  

Anova suspende os actos do Día da Patria en sinal de dó

Anova suspende, en sinal de dó, todos os actos previstos para o Día da Patria e amosa o seu pesar ás familias das vítimas do tráxico accidente de tren ocorrido hoxe, 24 de xullo, en Santiago de Compostela.

O noso máis sentido pésame ás familias.

UN PASO ADIANTE, GALIZA!

Manifesto de Alternativa Galega de Esquerda (AGE) para o 25 de xullo de 2013, Día da Matria Galega, lido publicamente o 24 de xullo diante do número 15 da Rúa do Vilar, en Compostela, onde o alcalde republicano de Santiago Ánxel Casal tiña a sede da imprenta Nós.

>>Baixa o díptico do manifesto en pdf

Aquí estamos, galegas e galegos de nación, cos pés na terra e abertas as fiestras para exercermos como pobo na loita común pola liberdade humana. A cidadanía galega que acepta a suma de vontades e experiencias dos procesos emancipadores para que a nación en si sexa nación para si.

Neste Día da Matria, a Alternativa Galega de Esquerda (AGE), expresión da Fronte Ampla no Parlamento Galego que asume a tradición da esquerda e dos procesos de liberación nacional, afirma o anceio de contribuír a fornecer ao pobo galego, suxeito político con poder civil, da súa soberanía no sentido amplo, sen rebaixas nin fendas rexidas pola Troika.

Acto político de Anova o 25 de xullo

Anova celebra un acto político o 25 de xullo en Compostela.

Será na praza de Mazarelos, dende as 12:30 h. Logo, xantar popular en Belvís.

Anova organiza un acto político na praza de Mazarelos polo Día da Patria en Compostela.

Dende as 12:30 h, haberá música e en torno ás 13:00 h terán lugar as intervencións políticas, pechadas polo discurso do portavoz nacional, Xosé Manuel Beiras.

Ás 14:30 h aproximadamente está previsto un xantar popular en Belvís, onde contaremos cunha polbeira e unha carpa para xantar.

Para xantar na carpa non é preciso anotarse previamente. O menú costa 12 € e inclúe polbo, patacas, pan, viño e refrescos. Así mesmo, quen o desexe pode xantar no parque de xeito autoxestionado.

Pola tarde, teremos ás 17 horas o Aberto de Billarda do Día da Patria, da Liga Nacional de Billarda, e posto de venda de crachas e camisolas da mocidade de Anova.

ACTO PÚBLICO, "DE QUE FALAMOS CANDO FALAMOS DE NACIÓN"

Acto público que terá lugar o sábado, 20 de Xullo, as 21.00 Horas no Pub Twist & Shout, e que forma parte dos actos previos a celebración do 25 de Xullo, Día da Matria Galega, onde por parte de ANOVA - Irmandade Nacionalista

A acto leva por título "DE QUE FALAMOS CANDO FALAMOS DE NACIÓN" e terá como intervención central unha charla a cargo de Luis Rei Nuñez, membro de ANOVA, escritor e colaborador de numerosas publicacións.  Entre outros traballos, Luis Rei e autor do libro "RAMON CABANILLAS: CRONICAS DE DESTERROS E SAUDADES", así como numersos artigos e estudos sobre a historia local ou a cultura marítima.

Na súa intervención do sábado Luis Rei fara un recorrido, non exento de anécdotas sobre a evolución do termo nación e a historia do nacionalismo galego. 

Dende a Coordinadora comarcal de ANOVA no Salnés, convidamos a todos os simpatizantes e persoas interesadas a asistir ao acto do próximo sábado no Grove, e ter a oportunidade de escoitar a unha persoa que pola súa traxectoria, implicación e coherencia xa ten gañada a admiración e afecto persoal deste que vos escribe, e o recoñecemento do dos pobos de O Grove e Cambados ao seu traballo político e persoal.

Aproveitaremos o acto para presentar a celebración nacional do 25 de Xullo por parte de ANOVA - Irmandade Nacionalista, e convidar a todos a asistir.  O acto central do 25 de Xullo sera na Praza de Mazarelos en Santiago de Compostela, coa intervención do Portavoz Nacional de ANOVA, Xosé Manuel Beiras. Posteriormente celebrarase unha romaria no Parque de Belvís.

Anova pide a dimisión de Rajoy e a convocatoria de eleccións xerais con carácter constituínte

Anova esixe a dimisión inmediata de Rajoy e a apertura dun proceso constituínte, que parta da realidade plurinacional do Estado e da fórmula republicana.

ANOVA-Irmandade Nacionalista, ante a situación indescritíbel, ante unha sociedade civil atónita e indignada, ante a tamaña proliferación de casos de corrupción e de desvergoña dos gobernantes do PP solicita:

1. A inmediata dimisión do Presidente do Goberno Mariano Rajoy e do seu Goberno.

2. Convocar unhas Eleccións Xerais a Cortes con carácter constituínte que poña remate á podremia desta 2ª restauración borbónica, que parta da realidade plurinacional do estado e da fórmula republicana para poñer o estado aos servizo das cidadanías das diversas nacións que o integramos e proceder mediante unha creba democrática a limpar todo o lixo acumulado nestas décadas.

3. Calquera outro tipo de demisión a secas, ou acompañada de petición de elección xerais sen ese carácter constituínte, como andan a pedir os partidos do pacto da reforma política, non deixan de ser paños quentes para a gravidade da creba de sistema e fórmula polítca do estado español.

Permanente da Coordinadora Nacional de ANOVA

15 de xullo de 2013

A PRESENTACIÓN DA CONTA XERAL DO 2012 EVIDENCIA A NEFASTA E IRREGULAR XESTIÓN QUE SE DA NO CONCELLO DE CAMBADOS

ANOVA está analizando os reparos feitos pola Interventora do Concello, e levará a situación ao parlamento para interpelar ao Vicepresidente Rueda.

A exposición pública da Conta Xeral do Concello de Cambados correspondente a 2012 pon en evidencia, e ratifica por escrito, unha situación que era de coñecemento público en Cambados, A CAOTICA, DESCONTROLADA E IRREGULAR XESTIÓN QUE DENDE FAI MOITOS ANOS VEN FACENDO O PARTIDO POPULAR EN CAMBADOS, situación que se acentuou na época de Cores Touris como alcalde e que se segue a manter na actulidade con Luis Aragunde.

 

Sempre se dixo que o PP utilizaba o Concello como o seu couto particular, sen respectar os principios de igualdade e transparencia, e en beneficio dos intereses do partido e dos seus dirixentes. Que había contratacións irregulares, pluses e gratificacións a determinado persoal, favores, … sempre se dixo pero poucas veces quedou tan claramente reflexada está situación en documentos oficiais como coa presentación das contas anuais do Concello correspondentes ao exercicio 2012.

Nestas contas os informes de reparos a xestión do concello realizados pola Interventora municipal superan en tamaño as propias contas. Hai máis de 30 informes que recollen centos de reparos sobre situacións irregulares, moitas que, a pesar de ser advertidas de xeito reiterado, seguen a realizarse ata a actualidade, o que ven a significar que o alcalde, pese a coñecer a situación de irregularidade, prefire seguir manténdoa e non facer nada por solventala.

De feito moitas destas situacións veñen manténdose dende épocas anteriores, nas que tiñan responsabiliades políticas e na xestión municipal o Delegado da Xunta en Pontevedra, Cores Touris (alcalde), o Vicepresidente da Xunta de Galicia, Rueda Crespo (Secretario) e incluso o Director Xeral de Administración Local da Xunta de Galicia, López Uzal (Asesor Xurídico).  POR ESO NON PODEMOS DEIXAR DE CHAMAR A ATENCIÓN SOBRE SI ESTE É O MODELO DE XESTIÓN MUNICIPAL QUE DEFENDE O PARTIDO POPULAR??.

Preme na Imaxe para ver un exemplo.

Poderiamos agrupar os reparos de irregularidades en tres grandes grupos:

IRREGULARIDADES NA XESTIÓN DO PERSOAL:

Mes tras mes, os doce meses do ano repítense as advertencias sobre o pago de gratificacións e complementos de produtividade sen ningún tipo de xustificación previa, desbordando o número de horas permitidas pola lexislación e nos últimos meses incluso excedendo as partidas orzamentadas.

Ademais denuncia a interventora que se trata sempre do mesmo persoal todos os meses, e por cantidades moi similares, que as “converten en fixas e de devengo periódico”, o que nos fai preguntarnos en ANOVA se é que o Concello de Cambados paga sobresoldos a determinados empregados, moitos deles que casualmente logo fan campaña para o Partido Popular nas eleccións.

Advírtese ademais SOBRE A PERCEPCIÓN DE PLUSES DE PRODUCTIVIDADE E GRATIFICACIÓNS POR PARTE DE PERSOAL QUE TEN APROBADO O COMPLEMENTO DE ESPECIAL DISPOÑIBILIDADE E ADICACIÓN, serían os casos do anterior Secretario do Gabinete de alcaldía ou do propio Secretario do Concello.

Finalmente comentar a denuncia mes tras mes, dende o mes de Abril, da situación de contratación irregular do Asesor Xurídico do Concello, ao que se lle recoñeceu a súa condición de persoal laboral indefinido do Concello, sen que existise ningún procedemento regulamentario para a cobertura dese posto.  Non deixa de ser chamativa que unha das contratacións irregulares do Concello sexa na figura do Asesor Xurídico, que logo informará sobre outras contratacións…..  

 Preme na Imaxe para ver un exemplo.

 

PRESTACIÓN DE SERVIZOS SEN NINGÚN TIPO DE LICITACIÓN:

Son numerosos e tamén reiterados os reparos que se fan a presentación de facturas por diversas empresas e profesionais todos os meses en concepto de prestación de determinados servizos, nalgúns casos dende fai moitos meses, incluso dende o ano 2003, sen que exista ningún tipo de contrato de prestación deses servizos e denunciándose por parte da Interventora municipal a ausencia de todo tipo de procedemento de licitación.

Nesta situación estarían por exemplo os servizos de asesoramento xurídico, que acumulou unha facturación de máis de 90.000 euros ao Concello, os de traballos arqueolóxicos, por máis de 60.000 de facturación, ou incluso o de suministro e tratamento de contenedores voluminosos, …

A Interventora municipal chega a conclusión de que estaríamos en presenza de “contratacións verbais”, expresamente prohibidas na administración e realizadas sen respetar ningún dos preceptos de igualdade, mérito ou capacidade.  Novamente en ANOVA temos que preguntarlle ao Alcalde Por que eses profesionais e non outros dos moitos que hai en Cambados e na comarca en paro?.  Que intereses e quen está detrás destas contratacións que pagamos todos os cambadeses cos nosos impostos?.

Preme na Imaxe para ver un exemplo.

 

APROBACIÓN DE GASTOS SEN EXISTENCIA DE EXPTE. DE CONTRATACIÓN:

Denuncia tamén a interventora municipal a practica continuada de presentar facturas de obras, sen que existan partidas orzamentadas e crédito dispoñible para a realización das mesmas, ningún tipo de expediente de contratación – licitación, sen constar o orzamento previo e que sexan conformadas unicamente polo propio alcalde e o capataz de obras, carecendo do visto e prace do Técnico municipal.

Volta a falar de contratacións verbais “a dedo” e sen respectar o principio de igualdade diante da administración.  Moitos dos nomes destas empresas aparecen de xeito repetitivo nos carteis de obras do Concello de Cambados e doutros Concellos gobernados polo PP na comarca, polo que en ANOVA preguntámonos: Por que se chama a estas empresas concretamente??.

 Preme na Imaxe para ver un exemplo.

 

CONCLUSIÓNS:

Que fai o PP de Cambados diante desta situación?, POÑER UNHA VENDA DIANTE DOS OLLOS, a pesar da reiteración de advertencias, segue mes a mes cometendo as mesmas irregularidades.  O Alcalde recoñece por escrito que se cometen “deficiencias administrativas” na tramitación dos expedientes pero que en aras a axilidade administrativa e o cumprimento das obrigas adquiridas vai facer caso omiso as avisos da Interventora.  Esta situación só pode explicarse polo interese do Partido Popular de manter o status quo de determinados poderes fácticos de Cambados e os privilexios que lle outorgan a algún persoal do Concello que logo lles resultan moi útiles en campaña electoral.

Para o Grupo Local de ANOVA Irmandade Nacionalista de Cambados non se pode seguir ignorando estas irregularidades, entendemos que xa está ben desta situación.  Estamos nun momento en que os cidadáns están cansos de ver todos os días situacións de corrupción na política, de tratos de favor e como se manteñen determinados privilexios, polo que entendemos que o PP non pode seguir a actuar así en Cambados.

Dende ANOVA estamos analizando polo miúdo estes reparos e continuaremos a denunciar as situacións irregulares e a publicalas para coñecemento de todos os veciños de Cambados.  Tamén trasladaremos está situación ao Parlamento Galego, a través dos Deputados de Alternativa Galega de Esquerda, para que interpelen ao Vicepresidente da Xunta de Galicia, e secretario en excedencia do Concello de Cambados, sobre si avala está xestión irregular e se ese é o modelo que pretende implantar nos demais Concellos o Partido Popular.

Educación nega ciclos de FP a centros públicos para concertalos con privados

Alternativa Galega de Esquerda (AGE), a través dos seus deputados Ramón Vázquez e Xabier Ron, denuncia, de novo, a continuada e brutal ofensiva da Xunta contra o ensino público. Desta volta, os planos da Consellaría de Educación pasan por negar ciclos de FP a centros públicos para logo concertalos con institutos privados. Vén de acontecer en Chapela (Redondela) co IES Chapela. A este centro, o Goberno do señor Núñez non lle autorizou impartir o ciclo formativo de grao superior en Integración social. Ao mesmo tempo, o departamento que dirixe Jesús Vázquez outorgoullo ao instituto privado C.P.R. Aloya, en Vigo. “É intolerábel e representa o enésimo ataque ao ensino e á súa calidade en tanto que servizo público”, atacan os parlamentarios de AGE no texto da pnl (no documento anexo) rexistrada na Cámara.

Alternativa pon de manifesto que o instituto vigués Aloya segrega o alumnado por sexos e ampárase ideoloxicamente no catolicismo. “Só admite mulleres e iso mal pode cadrar cos valores que se transmiten no grado superior de Integración Social”, afirman Vázquez e Ron. Pero o caso do IES Chapela non é único. Ao centro público da Xunqueira, en Pontevedra, tampouco se lle permite ofertar ese mesmo grado superior, concedido en concerto ao privado San José de la Guía. “Todo isto non fai senón confirmar as obsesións privatizadoras da Consellaría de Educación”, sinalan dende AGE, “degradar o ensino público e derivar os estudantes cara ao privado, de ideoloxía católica e mesmo segregacionista”.

Segundo Ramón Vázquez e Xabier Ron, estas decisións da Xunta ideoloxicamente reaccionarias afectan aos dereitos constitucionais dos alumnos e alumnas a recibir unha educación non segregada. Para Alternativa, o Goberno do señor Núñez debe cancelar de contado os concertos con centros privados en todas as zonas onde exista oferta de prazas públicas e autorizar ao IES Chapela a impartir o grado superior de FP de Integración Social e retirarllo ao colexio ultracatólico Aloya.

AGE denuncia as intencións da Xunta de ‘enchufar’ directivos dos chamados ‘chiringuitos’

Alternativa Galega de Esquerda (AGE) vén de rexistrar, a través da súa viceportavoz Yolanda Díaz, unha pregunta parlamentaria sobre se a Xunta “vai integrar na Administración pública galega a ex directivos de entidades instrumentais do sector público galego vulnerando así os principios constitucionais de mérito, igualdade e capacidade?”. O Goberno do señor Núñez prepara un decreto que permitiría, expón Díaz na argumentación da pregunta , “enchufar na Administración pública galega a directivos dos chamados chiringuitos”. Todo nun contexto en que o propio Consello Consultivo cualificou o seu peche, tan cacarexado polo señor Núñez, de aforro residual.

“A Xunta prepara un documento que consagra o nepotismo na Administración pública galega”, engade Díaz, “e destrúe os criterios constitucionais de mérito, igualdade e capacidade que deben presidir as convocatorias públicas de emprego”. Ese decreto, a maiores, habilitará a posibilidade de percibir un complemento salarial durante seis anos “aínda que realizasen o mesmo labor que as súas compañeiras ou compañeiros”. “Isto non é nin austeridade nin eficacia, é nepotismo”, conclúe a viceportavoz de Alternativa.

AGE esixe á Xunta que remita ao Parlamento o expediente da fusión das caixas e deixe de ocultar información

Alternativa Galega de Esquerda (AGE) volve denunciar o ferrollo que o Partido Popular e a Xunta que ocupa deita sobre a comisión parlamentaria de investigación sobre as caixas de aforro. Unha das máis evidentes probas deste pano de escuridade é que, entre os 33.000 folios de documentación remitida polo Goberno galego ao Parlamento, non se atopa o expediente administrativo completo asinado pola exconselleira de Facenda Marta Fernández Currás e que sería a autorización do Executivo do señor Núñez á fusión. Fernández Currás, a maiores, negouse a comparecer na comisión. AGE agarda que a intervención do señor Núñez mañá no órgano parlamentario sirva para explicar esta decisiva ocultación de documentos.

Esta manobra da Xunta ten como único obxectivo agochar as responsabilidades do Goberno do PP na desfeita en que acabaron as caixas galegas de aforros. Porque a fusión, contra todos os embustes do señor Núñez e dos seus secuaces relatados ao longo de meses e meses, non foi avalada por informe nin auditoría ningúns. É máis, o documento co que o PP argumentou a súa aposta a prol da fracasada fusión, a que denominaba “auditoría de KPMG”, nin era unha auditoría nin afirmaba necesidade de fusión ningunha. A Xunta e a Consellaría de Facenda nin sequera enviaron á comisión parlamentaria o informe que recolle as condicións dese traballo contratado polo departamento de Fernández Currás.  

AGE esixe de novo que o Goberno do señor Núñez abandone esa querenza enfermiza pola mentira e achegue, dunha vez por todas, a documentación completa sobre o acontecido coas caixas de aforro. Así, ademais, estaría máis preto aclarar a estafa das participacións preferentes e subordinadas, que observan frustrados o paripé e o teatriño en que o PP e o seu grupo parlamentario converteron a comisión de investigación das caixas.

A Consellaría de Mar ten que facer cumprir a sentenza de Cuca para que repoña as traballadoras no seu posto

“A conselleira do Mar ou non está axeitadamente informada ou estivo dende o principio coa empresa e contra as traballadoras”. Estas son as únicas dúas explicacións que atopa o deputado de Alternativa Galega de Esquerda (AGE) Juan Fajardo á actitude da Xunta no conflito das traballadoras de Conservas Cuca, Vilaxoán, contra a propiedade da empresa. A responsábel de Mar, Rosa Quintana, afirmou no Parlamento que non presionaría para cumprir unha sentenza que obrigaba á compañía a repoñer as operarias no seu posto de traballo mentres o ditame non fose firme. “Pero a conselleira ou está mal informada ou ao servizo da empresa”, expón Fajardo, “porque as sentenzas sobre ERE son executábeis dende o primeiro momento”. O xulgado do Social número 2 vén de reclamar a execución inmediata da mencionada sentenza.

O PP acosa á flota de baixura e reprime aos cefalopodeiros

A represión aos traballadores intensifícase. Esta mañá os autodenominados antidisturbios cargaban contra os cefalopodeiros ás portas de San Caetano, en Santiago de Compostela. Os mariñeiros protestaban contra o novo decreto do polbo e a resposta da Xunta foi enviar á policía contra traballadores que defenden o seu traballo. “O PP acosa a flota de baixura”, denuncia o deputado de Alternativa Galega de Esquerda (AGE) Juan Fajardo, “e emprega o delegado do Goberno para reprimir”.

 

Pero non foron os paus desta mañá os únicos que os Gobernos reaccionarios deron aos mariñeiros. Fajardo asegura que os métodos represores utilízanse con máis frecuencia da coñecida e que nos peiraos dáse un día si e outro tamén. “O exceso de celo e as medidas desmesuradas no control dos cefalopodeiros e de toda a flota de baixura contrastan coa permisividade noutras cuestións”, sinala o parlamentario de Alternativa, quen lembra, ademais, as nefastas actuacións do delegado do Goberno, Samuel Juárez, que “xa debería estar dimitido”. Juárez atópase á cabeza da escalada policial represora contra traballadores e activistas dos últimos meses en Galicia.

 

Fajardo reclama da conselleira de Mar, Rosa Quintana, unha xuntanza urxente do sector alén do Consello de Pesca para reparar o dano dun decreto, o do polbo, imposto de maneira unilateral polo Goberno galego e para procurar un acordo satisfactorio.

O PP DEMOSTROU NO PLENO DE ONTE NON SO QUE NON LLE IMPORTAN OS PROBLEMAS DOS VECIÑOS DE CAMBADOS, SE NON QUE NIN SIQUERA OS QUERE ESCOITAR.

“No está permitido hablar, y si me vuelven a interrumpir voy a tener que desalojar el pleno”



Pleno do Concello de Cambados

Esta foi a única resposta que lles deu o Alcalde de Cambados, aos numerosos veciños que onte acudiron o pleno en defensa dos seus postos de traballo, intentando buscar apoio institucional ante o grave problema que afecta ao traballo de un millar de mariñeiros da comarca pola Regularización das Embarcacións Pesqueiras, con varios veciños de Cambados afectados directamente, veciños que viven do mar, e que viron como o Goberno Municipal do PP lles deu as costas, e non amosou o mais mínimo interese nin en arranxar a actual situación na que se atopan nin , o que é mais duro, sequera en defender os intereses do seus propios veciños.



A imaxe que se deu onte no pleno do Concello de Cambados ao remate do mesmo, cando se tratou a ultima moción do Orde do dia, na que se trataba o tema da Regularización das Embarcacións Pesqueiras, foi unha autentica vergoña para o noso concello, como comprobaron o medio centenar de persoas que acudiu a este pleno. A tarde transcorria con certa normalidade, ata que o Alcalde de Cambados, o de Ilustrísimo deixouno esquecido na casa, vendo que a intervencion dunha membro da oposicion era recibida polo público con aplausos de aprobación, dedicouse, primeiro a interromper continuamente a esta persoa que facía uso do seu turno de palabra, e logo, nin corto nin perezoso, mostrando unha moi mala educación, e vendo que con interromper non lle era suficiente, comezou a berrar polo micrófono para tratar que non se escoitara a intervención da oposición. Unha escena patetica, berrando Luís Aragunde polo micrófono que a culpa era de Europa, e que xa se fixeron varias regularizacións antes pero os mariñeiros pasaran do asunto, que polotanto tiñan que haber arranxado as embarcacións no seu momento e non viñeran agora a molestar, que a Xunta de Galicia anos atras quixera comprar Tonelaxe para despois venderllo os mariñeiros e que Felipe González non lles deixara, que o PP non tiña a culpa de nada, e varias frases mais que daban a entender que en último caso a culpa era dos mariñeiros. Onde estaba Luís Aragunde cando Felipe González era presidente e que ideoloxías políticas tiña o actual alcalde na sua época moza.



Reunion dos Afectados co Patrón da Cofradia de Cambados

Pero non contento con estas afirmacións absolutamente fora de lugar, e moi interpretables, o noso Alcalde e representante de tódolos veciños de Cambados, empezou a dicir que non toda a xente en Cambados estaba de acordo coas reivindicacións dos afectados pola regularización das embarcacións, que un veciño de Cambados fora ó concello e lle dixera que tivera que hipotecar a casa en 11.000 €, para poder pagar o Tonelaxe da súa embarcación, e que estaba en contra de que agora, a "estes" lles salga todo gratis. Esto último encendou os ánimos dos afectados, que lle chamaban “Trampón” e dicían en voz alta que “Iso é mentira, amósanos os papeis”. O Alcalde seguiu a súa intervención asegurando que dende o Concello tiñan que defender a tódolos Cambadeses, e que esta xente, non representaban o sector do mar, e que o sector do mar esta representado pola Cofradía de Cambados e a Federación, e non pola plataforma de afectados, afirmacións coas cales aumentou a indignación dos afectados que de seguido, a pesares de que o señor Aragunde non lles permitia falar, lle contestaron “Que na Cofradía é onde están os Ladróns e non defenden a nadie”, en clara alusión as dúas imputacións do Patrón Maior de Cambados, e a situación na que se atopa en pleno proceso Xudicial, e que para o asombro dos presentes, parece que todo Cambados coñece menos o noso Alcalde.

 

 

Reunion da Plataforma de Afectados na Illa

Foi nese intre cando os afectados se levantaron do Pleno e decidiron abandonalo despois de que o Alcalde empezara a falar de cara a galería con frases como que “Gracias o PP en Cambados moita xente ten mañan o seu prato de comida na mesa”, ou atacando a oposición o vello estilo do PP “Vos non fixechedes nada no Bipartito e vindes agora con isto”, e finalmente deu paso as votacións da moción mentres os afectados pola regularización abandonaban a sala insultando os membros da corporación do PP, amosando a súa indignación con berros, como fixera o Alcalde anteriormente na intervención da oposición, mentres o Alcalde repetía unha e outra vez polo micro, que no pleno de Cambados os veciños non teñen dereito a falar, e como o seguiran a interromper ia a ter que desaloxar o Pleno, ao que lle responderon os veciños de Cambados afectados pola regularización dende a porta do Salón de Plenos, “tranquilo xa nos marchamos nos, pero as de vir a pedir o voto polas portas das casas”.



Afectados no Pleno de Vilanova onde foi aprobada a moción polo PP

O problema da Regularización das Embarcacións Pesqueiras xa foi levado aos Plenos da maioría dos Concellos do Salnés e do Barbanza, logrando o apoio unanime de todos os partidos, coa excepción do Concello de Vilagarcia onde o PP non aceptou a moción a tramite, e o de onte en Cambados, onde so se aprobou a moción que presentaba o PP, moción feita cara a galería, sen consensuar nin consultar cos afectados, e que non vai solucionar os seus problemas. Isto sendo Cambados un dos Concellos con maior numero de mariñeiros afectados por esta situación, e sendo Luís Aragunde o responsable provincial de Pesca do Partido Popular, ademais de ser empregado durante moitos anos na Lonxa de Tragove, antes de comezar a súa andaina política nas filas do PP.

Para Anova Irmandade Nacionalista, e non solo dende Cambados, se non dende a organización nacional da mesma, apoiamos as reivindicacións por parte dos afectados, e consideramos que o primordial e defender os postos de traballo dos nosos veciños, e así o fixemos saber na nosa organización presentando una proposición non de lei na ultima Comisión de Pesca no Parlamento de Galicia, a través do Grupo Parlamentario AGE, que podes ver neste enlace.